საზღვარგარეთ მყოფი ქართველი თეოლოგების ქსელი აერთიანებს საქართველოს ფარგლებს გარეთ მოღვაწე ქართველ თეოლოგებსა და თეოლოგიის სტუდენტებს, რომლებიც მუშაობენ /სწავლობენ საზღვარგარეთის უნივერსიტეტებში, თეოლოგიურ სამეცნიერო ცენტრებსა და კვლევით ინსტიტუტებში.
2016 წელს წარმოიშვა იდეა საქართველოს ფარგლებს მიღმა თეოლოგიის დარგში მოღვაწე ქართველი თეოლოგების ყოველწლიური შეკრებისა ევროპის სხვადასხვა ქვეყნებში და პირველი შეკრება განხორციელდა 2018 წელს გერმანიის ქალაქ დიუსელდორფში. მას შემდეგ დღემდე გაიმართა 6 შეხვედრა.